Capra

Capra
Clasificación científica
Reinu:	Animalia
Filu:	Chordata
Clas:	Mammalia
Orde:	Artiodactyla
Familia:	Bovidae
Subfamilia:	Caprinae
Xéneru:	Capra Linnaeus, 1758
Distribución
Especies
Ver el testu
Consultes
[editar datos en Wikidata]

Capra ye un xéneru de mamíferos artiodáctilos de la familia Bovidae que suelen conocese comúnmente como cabres o cabres selvaxes. Ta compuestu d'hasta 9 especies, incluyendo la cabra selvaxe (o cabra montés), el markhor y l'íbice. Sicasí, esisten animales d'otros xéneros (que nun son Capra) de la subfamilia Caprinae y que dacuando se denominen "cabres", como los del xéneru Oreammos,^[1] al que pertenez la "cabra" de los Montes Rocosos (Oreamnos americanus). Les cabres selvaxes son orixinaries del centro-oeste d'Asia, onde inda viven la mayoría de les especies actuales, y dende onde colonizaron partes d'Europa y África.

La cabra doméstica (Capra aegagrus hircus) ye una subespecie adomada de la cabra selvaxe (Capra aegagrus). Hai unos 9000 años, mientres el Neolíticu, apaecieron en Mesopotamia les primeres cabres doméstiques, que la so distribución actual, tantu en forma doméstica como amontesada, ye práuticamente cosmopolita. Les cabres son anguaño unu de los principales animales domésticos n'Oriente Mediu, norte y este d'África y la Europa Mediterránea.

1. ↑ Oreamnos (n'inglés)